యువత అడుగులు కమలం వైపు.. బీజేపీలో భారీ చేరికలు

దిశ,అమీన్ పూర్ : ప్రధానమంత్రి నరేంద్ర మోడీ నాయకత్వంపై నమ్మకంతో యువత బీజేపీ వైపు అడుగులు వేస్తున్నారని బీజేపీ ఓబీసీ మోర్చా రాష్ట్ర ప్రధాన కార్యదర్శి గడిల శ్రీకాంత్ గౌడ్ అన్నారు. గురువారం పటాన్ చేరు పట్టణనికి విజేందర్ ఆయన మిత్ర బృందంతో కలిసి గడీల శ్రీకాంత్ గౌడ్ ఆధ్వర్యంలో బండి సంజయ్ సమక్షంలో బీజేపీ‌లో చేరారు. బీజేపీ‌లో చేరిన యువతకు ప్రజా సంగ్రామ యాత్ర క్యాంప్ కరీం నగర్‌లో కాషాయ కండువా కప్పి బండి సంజయ్ పార్టీ లోకి ఆహ్వానించారు.

ఈ సందర్భంగా గడీల శ్రీకాంత్ గౌడ్ మాట్లాడుతూ.. పటాన్ చేరు నియోజకవర్గ అభివృద్ధి బీజేపీ‌తో సాధ్యమని పటాన్ చెరు నియోజకవర్గంలో యువత బీజేపీలో చేరుతున్నారు. నియోజకవర్గంలో అధికార పార్టీ చేస్తున్న అవినీతి, దోపిడీ పాలనకు వ్యతిరేకంగా రాబోయే రోజులలో మరింత మంది భారతీయ జనతా పార్టీలోకి చేరడానికి సిద్ధంగా ఉన్నారని వెల్లడించారు. భవిష్యత్తులో అన్ని వర్గాల ప్రజల సహకారంతో పార్టీని మరింత బలోపేతం చేసే దిశగా ప్రణాళికలను సిద్ధం చేస్తున్నామన్నారు. రాబోయే సార్వత్రిక ఎన్నికల్లో పటాన్ చెరు గడ్డపై కాషాయ జెండాను ఎగరవేయడం ఖాయమని ఆయన ధీమా వ్యక్తం చేశారు.

ఈ‌ కార్యక్రమంలో బీజేపీ సంగారెడ్డి జిల్లా అధ్యక్షుడు నరేందర్ రెడ్డి, బీజేపీ ఓబీసీ మోర్చా రాష్ట్ర కార్యవర్గ సభ్యుడు దేవేందర్ గౌడ్, జిల్లా ప్రధాన కార్యదర్శి మహేందర్, జిల్లా కార్యదర్శి బైండ్ల కుమార్, జిల్లా కార్యవర్గ సభ్యులు నరసింహ చారి, ఓబీసీ నాయకులు బిల్లే రవి, కిసాన్ మోర్చా నాయకులు వీరారెడ్డి, ఆర్.సి.పుర్ బీజేపీ నాయకులు బలరాం, రాజ్ గోపాల్,అణేం ఆదిత్య, సంగమేష్, ప్రశాంత్ యాదవ్, మహేందర్, రాజ్ కుమార్, అమృత్ యాదవ్, ప్రభు,తదితరులు పాల్గొన్నారు.