సీఎం కేసీఆర్ కే మా మద్దతు.. ఆర్ఎంపీ, పీఎంపీ
దిశ, కొండపాక : కొండపాక మండల ఆర్ఎంపీ, పీఎంపీ డాక్టర్లు సీఎం కేసీఆర్ కే మా సంపూర్ణ మద్దతు అని, కారు గుర్తుకే ఓటు వేస్తామని ఏకగ్రీవ తీర్మానం చేశారు. బీఆర్ఎస్ పార్టీ మండల అధ్యక్షుడు నూనె కుమార్ యాదవ్ ఆధ్వర్యంలో ఆదివారం సిద్దిపేట పట్టణంలోని మంత్రి హరీష్ రావు నివాసంలో వారిని మర్యాదపూర్వకంగా కలిసి ఏకగ్రీవం చేసిన తీర్మాన కాపీలను మంత్రి హరీష్ రావుకి అందజేశారు.
ఈ సందర్భంగా మంత్రి హరీష్ రావు మాట్లాడుతూ ఇంత పెద్దఎత్తున గజ్వేల్ నియోజకవర్గంలో ఆర్ఎంపీ, పీఎంపీల సంఘంతో పాటు అన్ని సంఘాలు కూడా సంపూర్ణ మద్దతును కేసీఆర్ కి ప్రకటించడం పట్ల హర్షం వ్యక్తం చేస్తున్నామని, రాబోవు రోజుల్లో ఇంకా బాధ్యతతో గజ్వేల్ నియోజకవర్గాన్ని గజ్వేల్ నియోజకవర్గ ప్రజలను అన్నిరంగాలలో ముందు వరుసలో ఉంచడానికి శాయశక్తుల కృషి చేస్తామని తెలిపారు. ఈ కార్యక్రమంలో ఆర్ఎంపీ, పీఎంపీ డాక్టర్ ల సంఘం అధ్యక్షుడు మిద్దే శంబయ్య తదితరులు పాల్గొన్నారు.
