కాంగ్రెస్, బీఆర్ఎస్ దొందు దొందే : బీజేపీ

దిశ, సిద్దిపేట ప్రతినిధి : కాంగ్రెస్, బీఆర్ఎస్ దొందు దొందే అని సిద్దిపేట పట్టణ బీజేపీ అధ్యక్షుడు కోడూరి నరేష్, సోషల్ మీడియా జిల్లా కన్వీనర్ ముత్యాల నాగరాజు అన్నారు. సిద్దిపేటలో వారు విలేఖరులతో మాట్లాడుతూ… కాంగ్రెస్, బీఆర్ఎస్ చీకటి ఒప్పందంతో ఎన్ని కుట్రలు చేసిన మెదక్ పార్లమెంట్ పై బీజేపీ జెండా ఎగరడం ఖాయమన్నారు. కాంగ్రెస్ ఆరు గ్యారెంటీలు బోగస్ అని ప్రజల్లో చర్చ ప్రారంభమైందన్నారు. బీఆర్ఎస్ పది సంవత్సరాల అరాచక పాలనను ప్రజలు మరిచిపోలేదన్నారు. కేంద్రంలో మూడోసారి ప్రధాని నరేంద్రమోదీ అధికారం చేపట్టడం ఖాయమని ధీమా వ్యక్తం చేశారు. ఈ సమావేశంలో పట్టణ బీజేపీ ప్రధాన కార్యదర్శి పిట్ల నరేష్ తదితరులు పాల్గొన్నారు.