కేతకిలో బీజేపీ ఎంపీ రఘునందన్..

దిశ, ఝరాసంగం : అష్ట తీర్థాల సంగమం, దక్షిణ కాశీగా ప్రసిద్ధి చెందిన ఝరాసంగం కేతకి సంగమేశ్వర స్వామి దేవస్థానంలో విశేష కార్తీక శుక్రవారం సందర్భంగా భాజపా మెదక్ ఎంపీ రఘునందన్ రావు ప్రత్యేక పూజలు నిర్వహించారు. వారికి ఆలయ అర్చకులు అధికారులు రాజగోపురం వద్ద పూర్ణకుంభంతో ఘనంగా స్వాగతం పలికారు. అనంతరం గర్భాలయంలోని పార్వతీ సమేత సంగమేశ్వర స్వామి వారి దర్శించుకుని మొక్కులు చెల్లించుకున్నారు.

వారికి ఆలయ అధికారులు, అర్చకులు పూలమాల శాలువాలతో ఘనంగా సన్మానించి తీర్థ ప్రసాదాలు అందజేశారు. అంతకుముందు బర్దిపూర్ దత్తగిరి మహారాజ్ ఆశ్రమంలో జ్యోతిర్లింగాలకు అభిషేకం నిర్వహించారు. డిసెంబర్ 15న దత్త జయంతికి సంబంధించిన గోడపత్రికను స్థానిక నాయకులతో కలిసి ఆవిష్కరించారు. వారికి ఆశ్రమ పీఠాధిపతి అవధూత గిరి మహారాజ్ తీర్థప్రసాదాలు అందజేశారు. వారి వెంట జిల్లా భాజపా అధ్యక్షురాలు గోదావరి అంజిరెడ్డి, బీజేపీ మండల అధ్యక్షులు బంటు విశ్వనాథ్ స్థానిక నాయకులు ఉన్నారు.