జీవితంపై విరక్తి చెంది యువకుడు ఆత్మహత్య

దిశ, మద్దూరు : జీవితంపై విరక్తి చెంది పురుగుల మందు తాగి యువకుడు ఆత్మహత్య చేసుకున్న సంఘటన సోమవారం దూల్మిట్ట మండలం కూటిగల్ గ్రామంలో చోటుచేసుకుంది. మద్దూరు ఎస్సై షేక్ యూనస్ అహ్మద్ అలీ తెలిపిన వివరాల ప్రకారం, కూటిగల్ గ్రామానికి చెందిన తిగుళ్ల రమేష్ (21) జీవితంపై విరక్తి చెంది శనివారం వ్యవసాయ పొలం వద్ద పురుగుల మందు సేవించాడని, గమనించిన స్థానికులు చికిత్స నిమిత్తం సిద్దిపేట ప్రభుత్వ దవాఖానకు తరలించగా, చికిత్స పొందుతూ సోమవారం మృతి చెందినట్లు తెలిపారు. పోస్టుమార్టం అనంతరం మృతదేహాన్ని కుటుంబ సభ్యులకు అప్పగించినట్లు తెలిపారు. మృతుడి తండ్రి బాలయ్య ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని తెలిపారు.