ప్రచారంలో టీ కాంగ్రెస్ దూకుడు.. పాదయాత్ర చేయనున్న ఖర్గే..

దిశ, వెబ్‌డెస్క్: తెలంగాణ ఎన్నికల ప్రచారంలో భాగంగా టీ కాంగ్రెస్ రెండో విడత బస్సు యాత్రకు శ్రీకారం చుట్టింది. రేపటి నుంచి బస్సు యాత్ర తిరిగి ప్రారంభం కానుండగా.. ఇందులో కీలక నేతలు పాల్గొననున్నారు. కాంగ్రెస్ జాతీయ అధ్యక్షుడు మల్లిఖార్జున ఖర్గేతో పాటు కర్ణాటక డిప్యూటీ సీఎం డీకే శివకుమార్ కూడా పాల్గొననున్నారు. రేపు డీకే శివకుమార్ ప్రచారం చేయనుండగా.. ఎల్లుండి మల్లిఖార్జున ఖర్గే బస్సు యాత్రలో పాల్గొననున్నారు.

ఆదివారం సంగారెడ్డి, మెదక్, నర్సాపూర్‌లో ఖర్గే పర్యటించనున్నారు. సంగారెడ్డి, నర్సాపూర్‌లో కార్నర్ మీటింగ్ ఏర్పాటు చేయనుండగా.. సాయంత్రం మెదక్‌లో పాదయాత్ర నిర్వహించనున్నారు. ఇక రేపు చేవెళ్ల, పరిగి, తాండూరులో డీకే శివకుమార్ బస్సు యాత్ర చేపట్టనున్నారు. కర్ణాటకలో కాంగ్రెస్ ఇచ్చిన హామీలను నెరవేర్చలేదని బీఆర్ఎస్ ఆరోపిస్తోంది. ఈ క్రమంలో కర్ణాటకకు చెందిన ఖర్గే, డీకే ప్రచారం చేయడం విశేషం