జీతాలు ఇచ్చేది ఎప్పుడో ?

దిశ, కొల్లాపూర్ : నాగర్ కర్నూల్ జిల్లాలో 20 మండల పరిషత్ కార్యాలయాల్లో విధులు నిర్వహిస్తున్న 54 మంది ఈ ఆపరేటర్లకు ఏడు నెలల నుంచి జీతాలు రాక అవస్థలు పడుతున్నారు. ప్రతి నెలా జీతాలు రాక కుటుంబాలు గడువక అప్పుల పాలయ్యామని పలువురు ఈ ఆపరేటర్లు వాపోతున్నారు. అద్దె ఇంట్లో ఉండే తాము నెల అద్దెలు,తమ పిల్లల స్కూల్ ఫీజులు చెల్లించలేక అవమానాలకు గురవుతున్నామని విచారం వ్యక్తం చేస్తున్నారు. జిల్లా అధికారయంత్రాంగం తక్షణం స్పందించి తమకు రావాల్సిన పెండింగ్ లో ఉన్న ఏడు నెలల వేతనాలను చెల్లించాలని జిల్లాలోని ఈ పంచాయతీ ఆపరేటర్లు కోరుతున్నారు.