Additional Collector Mayank Mittal : విద్యార్థులకు సరిపడా యూనిఫామ్స్ సకాలంలో అందించాలి

దిశ, ఊట్కూర్ : ప్రభుత్వ పాఠశాలల విద్యార్థులకు సరిపడా స్కూల్ యూనిఫామ్స్ సకాలంలో అందించాలని జిల్లా అదనపు కలెక్టర్ మయాంక్ మిట్టల్ అన్నారు. మంగళవారం ఊట్కూర్ గ్రామ పంచాయతీ పరిధిలో స్కూల్ యూనిఫార్మ్స్ కుట్టు కేంద్రాన్ని అదనపు కలెక్టర్ సందర్శించారు. ఈ సందర్భంగా స్కూల్ యూనిఫార్మ్స్ సకాలంలో అందించేలా చర్యలు తీసుకోవాలన్నారు. అనంతరం ఊట్కూర్ గ్రామ పంచాయతీ మండల పరిధిలోని ఎంపీడీవో ఎంపీవోతో సమావేశమై పాఠశాలల్లో కిచెన్ గార్డెన్ ఏర్పాటు చేయాలన్నారు. వర్షపు నీరు ఇంకుడు గుంతల ద్వారా ఇంకిపోయేందుకు తగు చర్యలు తీసుకోవాలని సూచించారు. ఈ కార్యక్రమంలో డిఆర్డిఎ, అడిషనల్ డీఆర్డిఎ, ఎంపిడివో, ఎంపీఓ తదితర అధికారులు పాల్గొన్నారు.