ఓ కుటుంబానికి ఆర్థిక సహాయం చేసిన.. మార్కెట్ కమిటీ చైర్మన్ కురుమయ్య

దిశ, బిజినేపల్లి: మండలంలోని గౌరారం గ్రామంలో రెండు రోజుల క్రితం అనారోగ్యంతో మరణించిన చింతకాయల రాములమ్మ కుటుంబ సభ్యులను నాగర్ కర్నూల్ మార్కెట్ కమిటీ చైర్మన్ కురుమయ్య పరామర్శించి ఆ కుటుంబానికి 10,000 ఆర్థిక సాయం చేశారు. అనంతరం కుటుంబ సభ్యులను ఓదార్చి ఆ కుటుంబానికీ అండగా ఉంటానని హామీ ఇచ్చారు. ఈ కార్యక్రమంలో గ్రామ పార్టీ నాయకులు శ్రీశైలం ముదిరాజ్, ఇబ్రహీం, వజీర్ ,మహేష్, పరశురాములు గౌడ్ , దశరథ నాయక్ నాయకులు పాల్గొన్నారు.