బహుజన యుద్ధవీరుడు సర్దార్ సర్వాయి పాపన్న గౌడ్.. ఎమ్మెల్యే దొంతి
దిశ, నెక్కొండ : బహుజనుల రాజ్యాధికారమే లక్ష్యంగా మొఘల్ సామ్రాజ్యాన్ని గడగడలాడించిన బహుజన యుద్ధవీరుడు సర్దార్ సర్వాయి పాపన్న గౌడ్ అని నర్సంపేట ఎమ్మెల్యే దొంతి.మాధవరెడ్డి అన్నారు. వరంగల్ జిల్లా నెక్కొండ మండల కేంద్రంలో సర్దార్ సర్వాయి పాపన్న గౌడ్ విగ్రహాన్ని ఆవిష్కరించిన అనంతరం వారు మాట్లాడుతూ మొఘల్ చక్రవర్తి ఆగడాలను ఎదిరించి గెరిల్లా సైన్యాన్ని తయారు చేసి గోల్కొండ కోట పై బహుజనుల జెండా ఎగురవేసిన పోరాట యోధుడు సర్దార్ సర్వాయి పాపన్న గౌడ్ అని కొనియాడారు. బహుజనులు పాపన్న ఆశయాలు కొనసాగించాలని అన్నారు. ప్రజాపాలనలో బహుజనులకు పెద్దపీట వేస్తామని అన్నారు.
ఈ సందర్భంగా పాపన్న గౌడ్ విగ్రహ ఏర్పాటుకు సహకరించిన దాతలైన పుట్టపాక.యాదగిరి, కారింగుల.సురేష్, మేడగోని.వెంకటేశ్వర్లు, విగ్రహ కమిటీ నిర్వాహకులు తాళ్ళపెళ్లి.చెన్నకేశవులు, గిరగాని.శ్రీనివాస్, గడ్డం.శ్రీనివాస్, పలుసం.పూర్ణ చందర్, గౌడ సంఘం సొసైటీ అధ్యక్షుడు కక్కెర్ల.నాగయ్యను ఎమ్మెల్యే అభినందించారు. ఈ కార్యక్రమంలో టిపీసీసీ మెంబర్ రంజిత్ రెడ్డి, మార్కెట్ చైర్మన్ హరీష్ రెడ్డి, మాదాటి.శ్రీనివాస్ గౌడ్ సొసైటీ చైర్మన్ మారం.రాము, బీఆర్ఎస్ నాయకులు కొమ్ము.రమేష్ యాదవ్, రవీందర్ రెడ్డి, దొనికెన.సారంగం, సంఘం నాయకులు కక్కెర్ల ఐలయ్య, మాదాటి.శ్రీనివాస్, గడ్డం.ఆనందం తదితరులు పాల్గొన్నారు.
