ఈ జిల్లాకు డెడికేటెడ్ బీసీ కమిషన్ రాక

దిశ ప్రతినిధి,మహబూబ్ నగర్: సోమవారం జిల్లా కలెక్టర్ కార్యాలయ సమావేశ మందిరంలో 'డెడికేటెడ్ బీసీ కమిషన్' ప్రజాభిప్రాయ సేకరణ నిర్వహిస్తున్నట్లు కలెక్టర్ విజయేందిర బోయి ఓ ప్రకటనలో తెలిపారు. ఉదయం 10.30 గంటలకు నిర్వహించే ఈ కార్యక్రమానికి డెడికేటెడ్ బీసీ కమిషన్ చైర్మన్ బుసాని వెంకటేశ్వరరావు,కార్యదర్శి బి.సైదులు హాజరవుతున్నట్లు తెలిపారు. ఆయా కులాల స్థితిగతులపై కమిషన్ కు అభిప్రాయాలు వ్యక్తం చేయవచ్చని,స్థానిక సంస్థలకు అవసరమైన రిజర్వేషన్లను దామాషా ప్రకారం కల్పించేందుకు ఉమ్మడి మహబూబ్ నగర్ జిల్లాకు చెందిన..ప్రజాప్రతినిధులు,పార్టీలు,బీసీ సంఘాలు,ప్రజలు,సలహాలు ,మెటీరియల్ సాక్ష్యాలతో సమర్పించవచ్చని కలెక్టర్ తెలిపారు.