బైక్ ఢీకొని వ్యక్తి మృతి..

దిశ, ప్రతినిధి నాగర్ కర్నూల్: నడుచుకుంటూ వెళుతున్న వ్యక్తిని వెనక నుంచి బైక్ ఢీ కొట్టడంతో వ్యక్తి మృతి చెందిన సంఘటన తెలకపల్లి మండలం రాకొండ గ్రామ శివారులో శనివారం రాత్రి జరిగింది. కుటుంబ సభ్యులు తెలిపిన వివరాల ప్రకారం.. బల్మూర్ మండలం జినుకుంట గ్రామానికి చెందిన కోళ్ళ శేకరయ్య (60) వ్యక్తిగత పనుల నిమిత్తం రాకొండ వెళ్లి వస్తుండగా అచ్చంపేట కు చెందిన ఇద్దరు గుర్తు తెలియని వ్యక్తులు వెనక నుంచి బైక్ పై వస్తూ ఢీకొట్టారు.

ఈ ఘటనలో శేకరయ్య అక్కడికక్కడే మృతి చెందగా బైక్ పై ప్రయాణిస్తున్న వారు సైతం తీవ్రంగా గాయపడ్డారు. వారిని అచ్చంపేట ప్రభుత్వ ఆసుపత్రికి తరలించారు. మృతదేహాన్ని నాగర్ కర్నూల్ జనరల్ ఆసుపత్రికి తరలించి పోలీసులు దర్యాప్తు ప్రారంభించారు.