ఎలక్ట్రిక్ వైర్ లోడుతో వెళ్తున్న లారీ బోల్తా

దిశ, ఉండవెల్లి (అలంపూర్): ఎలక్ట్రిక్ వైర్ లోడ్ తో వెళ్తున్న లారీ బోల్తా పడిన సంఘటన జోగులాంబ గద్వాల జిల్లా ఉందవెల్లి మండల పరిధిలోని అలంపూర్ చౌరస్తా సమీపంలో చోటుచేసుకుంది. రాజస్థాన్ రాష్ట్రం నుంచి ఏపీ రాష్ట్రంలోని నంద్యాలకు లారీ లోడు వెళ్తుండగా..44వ జాతీయ రహదారిపై అదుపుతప్పి బోల్తా పడింది. ఈ సంఘటన ఉండవెల్లి మండల పరిధిలోని అలంపూర్ చౌరస్తా సమీపంలో చోటుచేసుకుంది. డ్రైవర్ అక్తర్ బాషాకు ఎలాంటి గాయాలు కాలేదు. లారీ బోల్తాపడడంతో నష్టం వాటిల్లిందని డ్రైవర్ తెలిపాడు. లారీని జెసిబి సహాయంతో క్లియర్ చేసి ట్రాఫిక్ అంతరాయం కలగకుండా హైవే సిబ్బంది లారీని పక్కకు తొలగించారు.