Medical courses :మెడికల్ కాలేజీలో కొత్త కోర్సులు

దిశ, కొత్తగూడెం రూరల్ : భద్రాద్రి కొత్తగూడెం జిల్లా కేంద్రంలోని నవభారత్ ప్రాంతంలో ఉన్న ప్రభుత్వ మెడికల్ కాలేజీలో కొత్త కోర్సులను (Medical courses)ప్రవేశ పెడుతూ ప్రభుత్వం ఉత్తర్వులను జారీ చేసింది. డీఎంఎల్ టీ 30 సీట్లకు, డయాలసిస్ టెక్నీషియన్ కోసం 30 సీట్ల భర్తీకి అనుమతి లభించింది. ఈ కోర్సులకు దరఖాస్తు చేసుకునేవారు ఇంటర్మీడియట్ బైపీసీ (Intermediate Bpc)చేసి ఉండాలి.

లేకుంటే ఎంపీసీ అదనపు గ్రూపుల వారు కూడా దరఖాస్తు చేసుకునే అవకాశం ఉంది. కొత్త కోర్సులకు ఈనెల 31వ తేదీలోపు దరఖాస్తులు చేసుకోవాలని మెడికల్ కళాశాల ప్రిన్సిపాల్ డాక్టర్ రాజ్ కుమార్ తెలిపారు. దరఖాస్తు రుసుము వంద రూపాయలు చెల్లించాల్సి ఉంటుందని ఆయన పేర్కొన్నారు.