పాలేరు మినీ హైడల్ ప్రాజెక్టు వద్ద కాలువకు గండి

దిశ, కూసుమంచి: మండలంలోని పాలేరు రిజర్వాయర్ వద్ద గల విద్యుత్ మినీ హైడ్రల్ ప్రాజెక్ట్ కట్టకు గండి పడింది. రెండు రోజులుగా ఎడతెరిపి లేకుండా కురుస్తున్న వర్షాలకు రిజర్వాయర్ లో భారీఎత్తున వరద ప్రవాహంతో పెరిగింది. ఆ వరద ఉధృతి హైడ్రల్ కట్టకు గండిపడింది. ఈ వరద సాగర్ ఎడమకాల్వలోకి చేరుతుండటంతో ఆ కాల్వ కట్టకు ప్రమాదం పొంచి ఉందని స్థానికులు భయాందోళన చెందుతున్నారు.హైడల్ ప్రాజెక్టు చుట్టు ప్రహరీ సైతం వరదలో కొట్టుకుపోయింది. దీంతో కట్ట సమీపంలో భారీ వృక్షాలు నేలకొరిగాయి. కాగా ప్రాజెక్ట్ విద్యుత్ పరికరాలు పూర్తిస్థాయిలో నీటమునిగాయి. అప్రమత్తమైన విద్యుత్ శాఖ అధికారులు కాలువ వద్దకు చేరుకొని పర్యవేక్షించారు.