Sp : పోలీసు అమరుల త్యాగం అజరామరం
దిశ, రాజన్న సిరిసిల్ల ప్రతినిధి : పోలీసు అమరుల త్యాగం అజరామరమని జిల్లా ఎస్పీ అఖిల్ మహాజన్ (SP Akhil Mahajan)అన్నారు. పోలీస్ అమరవీరుల సంస్మరణ వారోత్సవాల్లో భాగంగా వారిని స్మరిస్తూ జిల్లా పోలీస్ వారి ఆధ్వర్యంలో మంగళవారం జిల్లా కేంద్రంలో నేతన్న చౌరస్తా నుంచి అంబేద్కర్, గాంధీ చౌరస్తాల వరకు కొవ్వొత్తుల ర్యాలీ (Candle rally)నిర్వహించారు.
అనంతరం అమరవీరులకు ఆయన జిల్లా పోలీస్ యంత్రాంగంతో కలిసి నివాళులు అర్పించారు. ఈ సందర్భంగా ఎస్పీ మాట్లాడుతూ శాంతి భద్రతల పరిరక్షణకు ప్రాణాలర్చించిన పోలీసు అమరవీరులను (Police martyrs)ప్రజలు మరవద్దని, వారి త్యాగాలను స్మరిస్తూ, వారి ఆశయ సాధన కోసం సమాజంలో ప్రతి ఒక్కరూ బాధ్యతగా మెలగాలని సూచించారు. ఈ కార్యక్రమంలో అదనపు ఎస్పీ చంద్రయ్య, సీఐలు కృష్ణ, మొగిలి, వీరప్రసాద్, శ్రీనివాస్, ఆర్ఐలు రమేష్, యాదగిరి, ఎస్ఐలు, పోలీసు సిబ్బంది పాల్గొన్నారు.
