ఆదివారం జగిత్యాలలో పర్యటించనున్న మంత్రి కేటీఆర్

దిశ, జగిత్యాల ప్రతినిధి : రాష్ట్ర ఐటీ మున్సిపల్ శాఖ మంత్రి కేటీఆర్ ఆదివారం జగిత్యాల జిల్లాలో పర్యటించనున్నారు. ఉదయం 9 గంటలకు హైదరాబాద్ సీఎం క్యాంప్ కార్యాలయం నుంచి రోడ్డు మార్గంలో జగిత్యాలకు మంత్రి కేటీఆర్ 12.30 చేరుకుంటారు. స్థానిక విరూపాక్షి గార్డెన్స్ లో ఎమ్మెల్సీ ఎల్.రమణ తండ్రి ఎల్జీ రాం మృతికి సంతాపంగా ఏర్పాటు చేసిన సభలో పాల్గొంటారు. అనంతరం స్థానిక ఎమ్మెల్యే డాక్టర్ సంజయ్ కుమార్ ఇంటికి వెళ్లనున్నట్లు సమాచారం. తిరిగి మధ్యాహ్నం రెండు గంటలకు జగిత్యాల నుంచి బయలుదేరి సాయంత్రం 5.30 గంటలకు హైదరాబాద్ చేరుకోనున్నట్లు అధికారులు ఓ ప్రకటనలో తెలిపారు. మంత్రి పర్యటన నేపథ్యంలో జిల్లా యంత్రాంగం ఏర్పాట్లను పర్యవేక్షిస్తున్నారు.