ఇది కవిత, కేసీఆర్, కేటీఆర్ కచరా పాలనకి నమూనా: బండి సంజాయ్

దిశ, డైనమిక్ బ్యూరో : కల్వకుంట్ల కుటుంబంది కచరా పాలన అని బీజేపీ స్టేట్ చీఫ్ బండి సంజయ్ విమర్శలు గుప్పించారు. ఈ మేరకు ఆదివారం ట్విట్టర్ వేదికగా ట్వీట్ చేశారు. బీజేపీ మంత్రం- నేషన్ ఫస్ట్, పార్టీ నెక్స్ట్, ఫ్యామిలీ లాస్ట్. కానీ బీఆర్ఎస్ నినాదం- కుటుంబం ఫస్ట్, పార్టీ నెక్స్ట్, పీపుల్ లాస్ట్ అని బండి సంజయ్ సెటైర్లు వేశారు. ఇది కవిత, కేసీఆర్, కేటీఆర్ కచరా పాలనకి నమూనా అన్నారు. గత 9 ఏళ్లలో కల్వకుంట్ల కుటుంబం మాత్రమే ధనవంతులయ్యారని, పేదలు, నిరుద్యోగులు మాత్రం కష్టాల ఊబిలో కొట్టుమిట్టాడుతున్నారని పేర్కొన్నారు. ఇక ప్రధాని మోడీ నేతృత్వంలోని బీజేపీ డబుల్ ఇంజన్ ప్రభుత్వంలో మాత్రమే సమగ్ర అభివృద్ధి సాధ్యమవుతుందని బీజేపీ ఎంపీ బండి సంజయ్ అన్నారు.