Breaking: కీసర పోలీస్ స్టేషన్ ఎదుట ఉద్రిక్తత

దిశ, వెబ్‌డెస్క్: రాచకొండ పోలీస్ కమిషనరేట్ పరిధిలోని కీసర పోలీస్ స్టేషన్ ఎదుట ఉద్రిత్త వాతావరణం నెలకొంది. యువకుడి మృతదేహంతో కుటుంబసభ్యులు, బంధువులు పీఎస్ ఎదుట మంగళవారం బైఠాయించారు. రెండ్రోజుల క్రితం బైక్‌పై వెళుతూ ఉండగా, మనోజ్ అనే యువకుడిని కారు ఢీకొట్టింది. ఈ ప్రమాదంలో మనోజ్ అక్కడికక్కడే ప్రాణాలు కోల్పోయాడు. దీంతో యాక్సిడెంట్ జరిగి రెండు రోజులైనా పోలీసులు నిందితులను పట్టుకోవడం లేదంటూ మనోజ్ బంధువులు పోలీస్ స్టేషన్ ముందు ఆందోళన వ్యక్తం చేశారు. ఈ సందర్భంగా పోలీసులకు వ్యతిరేకంగా భారీ ఎత్తున నినాదాలు చేశారు. ఈ క్రమంలో అప్రమత్తమైన పోలీసులు పరిస్థితిని అదుపులోకి తీసుకునేందుకు ప్రయత్నిస్తున్నారు.