గంజాయి తరలిస్తున్న వ్యక్తి అరెస్ట్

దిశ, కార్వాన్ : ఒరిస్సా నుంచి హైదరాబాద్ కు అక్రమంగా గంజాయి తీసుకువచ్చి అమ్మకందారులకు ఇచ్చేందుకు ఎదురుచూస్తున్న ఓ వ్యక్తిని ఎస్ టి ఎఫ్ టీం అదుపులోకి తీసుకొని 4.2 కేజీల గంజాయిని స్వాధీనం చేసుకున్నారు. వివరాలు ఇలా ఉన్నాయి.. ఒరిస్సా నుంచి ఓ వ్యక్తి అక్రమంగా గంజాయిని తీసుకువచ్చి నాంపల్లి పబ్లిక్ గార్డెన్ ప్రాంతంలో అనుమానాస్పదంగా తిరుగుతున్నాడన్న విశ్వసనీయ సమాచారం మేరకు హైదరాబాద్ ఎస్టిఎఫ్ టీం సీఐ శిరీష తన బృందంతో కలిసి ఆ వ్యక్తిని అదుపులోకి తీసుకున్నారు. కాగా అతని వద్ద నాలుగు కిలోల గంజాయి లభించిందని, వీటి విలువ సుమారు లక్ష రూపాయల వరకు ఉంటుందని సీఐ తెలిపారు.