HYD : బాలాపూర్ గణేశుడి నిమజ్జనం పూర్తి.. ట్యాంక్ బండ్ పై డ్యాన్సులతో భక్తుల సందడి

దిశ, వెబ్‌డెస్క్: ట్యాంక్ బండ్‌కు కాసేపటి క్రితం బాలాపూర్ గణేశుడు చేరుకోగా నిమజ్జనం పూర్తయింది. క్రేన్ నెంబర్ 13 దగ్గర నిమజ్జనం పూర్తి కాగా హుస్సేన్ సాగర్ లో గణేష్ నిమజ్జనాలు కొనసాగుతున్నాయి. ఇక బాలాపూర్ గణేశుడిని చేసేందుకు భారీగా భక్తులు తరలివచ్చారు. అంతకు ముందు బాలాపూర్ లడ్డూ వేలంపాటలో అత్యధిక ధర పలికింది. ఈ సారి లడ్డూ రూ.27 లక్షలకు పలకగా దాసరి దయానందరెడ్డి రూ.27 లక్షలకు లడ్డూను దక్కించుకున్నారు. నిమజ్జనం నేపథ్యంలో ట్యాంక్ బండ్ పరిసరాల్లో భక్తుల కొలాహలం నెలకొంది. డ్యాన్సులు, డీజేలతో భక్తులు సందడి చేస్తున్నారు.