ఆ ప్రాంతాల్లో 5 రోజుల పాటు ఉరుమలు, మెరుపులతో కూడిన భారీ వర్షాలు: వాతావరణ శాఖ
దిశ, వెబ్‌డెస్క్: ప్రస్తుతం రెండు తెలుగు రాష్ట్రాల్లో ఎండలు భగ్గుమంటున్నాయి. జనాలు బయటికెళ్దామంటే జంకుతున్నారు. ఈ క్రమంలో తెలంగాణ ప్రజలకు వాతావరణ చల్లటి కబురు చెప్పింది. ఇప్పటికే పలు ప్రాంతాల్లో వర్షాలు కురిసిన విషయం తెలిసిందే. లా నినో పరిస్తితుల కారణంగా ఈ ఏడాది రుతుపవనాలు ముందుగానే దేశంలోకి ప్రవేశిస్తాయని ఈసారి వర్షాలు ఎక్కువగా కురిసే అవకాశం ఉందని వాతావరణ శాఖ నిపుణులు అంచనా వేస్తున్నారు. తాజాగా వాతావరణ శాఖ ఆదిలాబాద్, ఆసిఫాబాద్, నిజమాబాద్, మల్కాజ్‌గిరి, మేడ్చల్, యాదాద్రి జిల్లాల్లో వర్షాలు పడే అవకాశముందని వెల్లడించింది. 5 రోజుల పాటు ఉరుములు, మెరుపులతో కూడిన వర్షాలు పడనున్నాయి. తేలికపాటి నుంచి మోస్తరు వర్షాలు కురిసే అవకాశం ఉందని 30-40 కి. మీ వేగంతో ఈదురుగాలులు వీస్తాయని తెలిపింది. హైదరాబాదులో కొన్ని ప్రాంతాల్లో వర్షం పడే అవకాశం ఉందని వెల్లడించింది.
