15 రోజుల్లో డెలివరీకి రేడిగా ఉన్న గర్భిణీలపై స్పెషల్ ఫోకస్: మంత్రి దామోదర
దిశ, తెలంగాణ బ్యూరో: డెలివరీకి 15 రోజులు గడువు ఉన్న గర్భిణీలందరి పై ఫోకస్ పెట్టాలని హెల్త్ మినిస్టర్ దామోదర రాజనర్సింహ పేర్కొన్నారు. ఆరోగ్య పరిస్థితులు ఎప్పటికప్పుడు మానిటరింగ్ చేయాలన్నారు. గ్రౌండ్ లెవల్ లో పనిచేసే స్టాఫ్సమర్ధవంతంగా పనిచేయాలని సూచించారు. ఆదివారం ఆయన వరద ప్రభావిత జిల్లాలైనా ఖమ్మం, భద్రాద్రి కొత్తగూడెం, మహబూబాబాద్, ములుగు, సూర్యాపేట జిల్లాలో పరిస్థితులపై టెలీ కాన్ఫరెన్స్ లో రివ్యూ నిర్వహించారు. ప్రభుత్వ ఆసుపత్రిలో సౌకర్యాలు, స్టాఫ్సిచ్వేషన్ పై ఆరా తీశారు. మందులు, విద్యుత్ సరఫరాలో సమస్యలు రావొద్దన్నారు. ఎమర్జెన్సీ వాహానాలను అందుబాటులో ఉంచుకోవాలన్నారు. ఇక చిన్నారులు, గర్భిణీ స్త్రీల టీకాల్లో లోపం కాకూడదన్నారు. మున్సిపల్, పంచాయతీ శాఖల సమన్వయంతో దోమలు నియంత్రణకు కృషి చేయాలన్నారు. ఈ కార్యక్రమంలో ఆరోగ్యశాఖ ప్రభుత్వ కార్యదర్శి డా. క్రిస్టినా, ప్రజారోగ్య కుటుంబ సంక్షేమ శాఖ కమిషనర్ ఆర్. వి. కర్ణన్, రాష్ట్ర ప్రజారోగ్య శాఖ డైరెక్టర్ డా. రవీందర్ కుమార్, తెలంగాణ వైద్య విధాన పరిషత్ కమిషనర్ డా . అజయ్ కుమార్ గారితో పాటు ఆయా జిల్లాల కలెక్టర్లు, డీఎమ్ హెచ్ వోలు పాల్గొన్నారు.
