అవ్వా.. ఫ్రీ టికెట్‌ మిగిలిన డబ్బుతో మహిళ ఏం చేస్తుందో తెలిస్తే షాక్!
దిశ, వెబ్‌డెస్క్: కాంగ్రెస్ పార్టీ ఎన్నికల ప్రచారంలో భాగంగా.. ఇచ్చిన హామీ ప్రకారం కాంగ్రెస్ ప్రభుత్వం అధికారంలోకి రాగానే మహిళలకు ఫ్రీ బస్సు సౌకర్యాన్ని కల్పించింది. ఈ స్కీం ను ప్రారంభించిన మొదటి రోజే రాష్ట్రవ్యాప్తంగా సుమారు 30 లక్షల మంది మహిళలు ఉచితంగా బస్సులో ప్రయాణించారు. దీంతో ఆర్టీసీ అధికారులు చరిత్రలోనే ఇది ఒక రికార్డు అని చెప్పుకొచ్చారు. చాలా మంది ఈ పథకం చాలా బాగుందని, ప్రయాణ ఖర్చులు తగ్గాయని సంబరపడిపోతుంటే.. మరికొంతమంది మాత్రం ఉచిత బస్సు ప్రయాణం వల్ల కూర్చోటానికి ప్లేస్ ఉండట్లేదు, మగాళ్లకు కనీసం నిల్చోడానికి కూడా అవకాశం ఉండట్లేదంటూ సోషల్ మీడియాలో వీడియోలు పోస్ట్ చేస్తున్నారు.
అయితే ఈ ఉచిత ప్రయాణంతో మిగిలిన డబ్బులతో మహిళలు ఏం చేస్తున్నారని ఓ టీవీ విలేకరి ఓ వృద్ధురాలిని ప్రశ్నించాడు. వెంటనే ఆమె బదులిస్తూ.. క్వార్టర్ మందు కొంటానని డైరెక్ట్‌గా చెప్పేసింది. దీంతో అతడు షాక్ తిన్నాడు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.
