దీపావళి వేడుకల్లో అపశృతి.. సరోజిని ఆస్పత్రికి క్యూ కట్టిన బాధితులు

దిశ, వెబ్‌డెస్క్: హైదరాబాద్ నగర వ్యాప్తంగా అనేకచోట్ల దీపావళి వేడుకల్లో అపశృతి చోటుచేసుకుంది. బాణసంచ కాలుస్తూ అనేకమంది ప్రమాదానికి గురయ్యారు. ప్రమాద బాధితులంతా సరోజిని ఆసుపత్రికి క్యూ కట్టారు. ప్రస్తుతం ఆసుపత్రిలో 12 మందికి పైగా దీపావళి బాధితులు చికిత్స పొందుతున్నట్లు సమాచారం. 50కి పైగా కేసులు నమోదు కాగా.. చికిత్స పొందుతున్న వారిలో ఐదుగురి పరిస్థితి విషమంగా ఉన్నట్లు తెలుస్తోంది. వీరిలో ఎక్కువ మంది చిన్నారులు ఉన్నారని సమాచారం. బాణాసంచా కాల్చేటప్పుడు తగిన జాగ్రత్తలు తీసుకోకపోవడంతో ఆస్పత్రి పాలవుతున్నారు.