Chukka Ramaiah: మాజీ ఎమ్మెల్సీ చుక్కా రామయ్య నివాసానికి సీఎస్ శాంతి కుమారి
దిశ, డైనమిక్ బ్యూరో: ప్రముఖ విద్యావేత్త, మాజీ ఎమ్మెల్సీ చుక్కా రామయ్య (Chukka Ramaiah) నివాసానికి ప్రభుత్వ ప్రధాన కార్యదర్శి శాంతికుమారి (CS Shanti Kumari) వెళ్లారు. ఇవాళ చుక్కా రామయ్య పుట్టిన రోజు నేపథ్యంలో ఆయనకు పుష్పగుచ్చం ఇచ్చి శుభాకాంక్షలు చెప్పారు. ఈ సందర్భంగా మాజీ ఎమ్మెల్సీ చేత సీఎస్ కేక్ కట్ చేయించారు. పుట్టిన రోజు సందర్భంగా పలువురు ప్రముఖులు చుక్కా రామయ్యకు శుభాకాంక్షలు చెబుతున్నారు. ఎమ్మెల్సీ నర్సిరెడ్డి చుక్కారామయ్య నివాసానికి వెళ్లి బర్త్ డే విషెస్ చెప్పారు.
గతంలో సీఎం పరామర్శ:
గత కొంత కాలంగా చుక్కా రామయ్య అనారోగ్యంతో బాధపడుతున్నారు. ఈ క్రమంలో గత మే లో సీఎం రేవంత్ రెడ్డి (CM Revanth Reddy) ఆయన నివాసానికి వెళ్లి పరామర్శించారు. ఆయన కుటుంబ సభ్యులను కలిశారు. చుక్కా రామయ్యను సత్కరించి జూన్ 2న జరిగిన తెలంగాణ రాష్ట్ర ఆవిర్భావ వేడుకలకు ఆహ్వానించి వచ్చారు.
