యావత్ దేశ ప్రజలకు ఇది పండుగ రోజు: ఇస్రోకు సీఎం KCR అభినందనలు
దిశ, తెలంగాణ బ్యూరో: చంద్రయాన్ -3 విజయం సాధించడంపై సీఎం కేసీఆర్ హర్షం వ్యక్తం చేశారు. చంద్రుడి దక్షిణ ధ్రువం మీదకు లాండర్ మాడ్యూల్‌ను విజయవంతంగా చేర్చిన మొట్ట మొదటి దేశంగా భారత్ నిలిచిందన్నారు. ప్రపంచ అంతరిక్ష పరిశోధన రంగంలో భారత్ సరికొత్త అధ్యాయాన్ని లిఖించిందని, అరుదైన చరిత్రను సృష్టించిందని తెలిపారు. ఇది ప్రతీ భారతీయుడు గర్వించదగ్గ సందర్భం అని పేర్కొన్నారు. చిరకాల ఆకాంక్ష నెరవేరిన సందర్భంలో యావత్ దేశ ప్రజలకు ఇది పండుగ రోజన్నారు.
భవిష్యత్‌లో ఇస్రో చేపట్టబోయే అంతరిక్ష పరిశోధనలకు, ప్రయోగాలకు చంద్రయాన్ -3 విజయం గొప్ప ప్రేరణ ఇస్తుందని, ఇదే స్ఫూర్తిని కొనసాగిస్తూ, దేశ కీర్తి ప్రతిష్టలను మరింతగా పెంచే దిశగా, అంతరిక్ష పరిశోధన రంగంలో ఇస్రో తన విజయపరంపరను కొనసాగించాలని ఆకాంక్షించారు. ఇస్రో శాస్త్రవేత్తలకు, సిబ్బందికి, ఈ ప్రయోగం విజయవంతం కావడంలో భాగస్వాములైన ప్రతి ఒక్కరికి సీఎం అభినందనలు తెలిపారు.
Read More..
చంద్రునిపై చంద్రయాన్-3 విజయవంతంగా ల్యాండింగ్‌.. రాష్ట్రపతి ద్రౌపది ముర్ము అభినందనలు
