Bhatti Vikramarka : భట్టి విక్రమార్కను కలసిన రైతు కమిషన్ ఛైర్మన్

దిశ, వెబ్ డెస్క్: తెలంగాణ డిప్యూటీ సీఎం భట్టి విక్రమార్క(Telangana Deputy CM Bhatti Vikramarka)తో రైతు కమిషన్ ఛైర్మన్ కోదండరెడ్డి(KodandaReddy) సమావేశం అయ్యారు. శనివారం సచివాలయంలో భట్టి విక్రమార్కను కోదండరెడ్డి మర్యాదపూర్వకంగా కలిశారు. ఈ సమావేశంలో కోదండరెడ్డి పలు కీలక విషయాలు డిప్యూటీ సీఎంతో చర్చించారు. ధరణి పోర్టల్(Dharani Portal) లోని సమస్యలపై తక్షణమే ఓ నిర్ణయం తీసుకోవాలని కోరారు. కొత్తగా చేపడుతున్న ఆర్వోఆర్ లో భూములు కోల్పోతున్న రైతులకు అన్ని రకాల సహాయం చేయాలని అన్నారు. అలాగే రాష్ట్రంలో చేపట్టబోయే భూ సంస్కరణలు, అర్బన్ ల్యాండ్ సీలింగ్ చట్టంపై ప్రత్యేకంగా చర్చించారు. కాగా ఆయా అంశాలపై భట్టి సానుకూలంగా స్పందించినట్టు తెలుస్తోంది.