'సింగరేణి పైసలు ప్రైవేటు ట్రస్టుకు ఎట్లిస్తరు?'

దిశ, డైనమిక్ బ్యూరో: టీఆర్ఎస్ ఎమ్మెల్యే కోనేరు కోనప్పపై బీఎస్పీ స్టేట్ ఛీఫ్ ఆర్ఎస్ ప్రవీణ్ కుమార్ విరుచుకుపడ్డారు. సింగరేణి సంస్థ పైసలు టీఆర్ఎస్ ఎమ్మెల్యే కోనేరు కోనప్ప ప్రైవేటు ట్రస్టుకు ఎట్లిస్తరు? అంటూ ప్రశ్నించారు. ఈ పైసలను కార్మిక సంక్షేమం కోసం కాకుండా, వాళ్ల పిల్లల భవిష్యత్తు కోసం ఖర్చు పెట్టవచ్చు అంటూ ఆర్ఎస్పీ ఆరోపించారు. కాగా, మరొక ట్వీట్‌లో సీఎం కేసీఆర్‌పై విమర్శలు గుప్పించారు. ఎస్టీ రిజర్వేషన్ 10 శాతానికి పెంపుపై సీఎం కేసీఆర్ ఇచ్చిన హామీని గుర్తుచేశారు. కేసీఆర్ గారూ వారం రోజుల్లో 10 శాతం రిజర్వేషన్ జీవో అమలు చేస్తామని అన్నారు. కానీ, హామీ ఇచ్చి 10 రోజులైందని ఇంతవరకూ మళ్లీ ఆ ఊసే లేదని ఆగ్రహం వ్యక్తం చేశారు. దీనిపై మంత్రులకు కూడా పాపం ఎటువంటి సమాచారం లేదని ఆర్ఎస్పీ విమర్శించారు.