బ్రేకింగ్ : బీఆర్ఎస్ ఎమ్మెల్యే ర్యాలీలో అపశృతి.. KTRకు తప్పిన ప్రమాదం (వీడియో)

దిశ, వెబ్‌డెస్క్: ఆర్మూర్ ఎమ్మెల్యే జీవన్ రెడ్డి నామినేషన్ ర్యాలీలో అపశృతి చోటు చేసుకుంది. ఎమ్మెల్యే నామినేషన్ వేయనుండగా మంత్రి కేటీఆర్ ర్యాలీలో పాల్గొన్నారు. ఈ సందర్భంగా బీఆర్ఎస్ ప్రచారం రథం వెళ్తుండగా కరెంట్ వైర్ అడ్డు రావడంతో డ్రైవర్ సడెన్‌గా బ్రేక్ వేయడంతో కేటీఆర్ ముందుకు పడిపోయారు. ఇక ఇదే ప్రచార రథంపై ఉన్న రాజ్యసభ ఎంపీ సురేష్ రెడ్డి కింద పడిపోయారు. ఆయనకు స్వల్ప గాయాలయ్యాయి. వెంటనే అప్రమత్తమైన భద్రతా సిబ్బంది కేటీఆర్‌‌ను పట్టుకోవడంతో పెను ప్రమాదం తప్పింది. ఈ ఘటనకు సంబంధించి పూర్తి వివరాలు తెలియాల్సి ఉంది.