Sreeleela: అందుకే వరుస సినిమాలు చేయడం లేదు.. యంగ్ బ్యూటీ షాకింగ్ కామెంట్స్

దిశ, సినిమా: యంగ్ బ్యూటీ శ్రీ లీల గురించి ప్రత్యేకంగా చెప్పాల్సిన పని లేదు. పెళ్ళి సందడి సినిమాతో టాలీవుడ్ ఇండస్ట్రీకి ఎంట్రీ ఇచ్చి.. తన ఫస్ట్ మూవీతోనే తెలుగు ప్రేక్షకుల్లో మంచి గుర్తింపు సంపాదించుకున్నది. దీంతో ఈ అమ్మడుకు వరుస ఆఫర్లు క్యూ కట్టాయి. అలా వచ్చిన అన్ని సినిమాల్లో నటించి మెప్పించింది. కానీ ఈ అమ్మడు ఖాతాలో హిట్స్ కంటే ఫ్లాపులే ఎక్కువ పడటంతో సినిమాలకు కొంత బ్రేక్ ఇచ్చింది. అలా బ్రేక్ ఇచ్చిన ఈ బ్యూటీ మళ్లీ వరుస సినిమాలతో ఫుల్ బిజీ బిజీగా అవుతోంది. ఇందులో భాగంగా తన చేతిలో ఉస్తాద్ భగత్ సింగ్, రాబిన్ హుడ్ సినిమాలతో పాటు పుష్ప 2 లో కిస్సిక్ అనే ఓ స్పెషల్ సాంగ్‌లో అలరించనుంది.

ఇదిలా ఉంటే.. తాజాగా రాబిన్ హుడ్ సినిమాలోని లిరికల్ సాంగ్ రిలీజ్ కోసం ఏర్పాటు చేసిన ఈవెంట్‌లో యంగ్ బ్యూటీ శ్రీలీల పాల్గొన్నారు. అక్కడ ఈ భామ చేసిన కామెంట్స్ నెట్టింట వైరల్ అవుతున్నాయి. గతేడాది మీ నుండి నెలకు ఒక సినిమా వచ్చేది. కానీ, ఈ ఏడాది సినిమాలను ఎందుకు బాగా తగ్గించేశారు అని ఒక మీడియా ప్రతినిధి ప్రశ్నించగా.. దానికి శ్రీ లీల మాట్లాడుతూ.. ‘ఈ సంవత్సరం నా మెడికల్ స్టడీస్‌కి చాలా కీలకం. గత ఏడాది వరుసగా సినిమాలు చేయడం వల్లే నా అటెండెన్స్ చాలా తగ్గిపోయింది. అందుకే ఈ ఇయర్ సినిమాలు తగ్గించి, చదువు పైన దృష్టి పెట్టాను. అందుకే వరుస సినిమాలు చేయలేకపోతున్నాను’ అంటూ శ్రీ లీల చెప్పుకొచ్చింది. దీంతో ఈ బ్యూటీ చేసిన కామెంట్స్ సోషల్ మీడియాలో వైరల్‌గా మారాయి.