బిగ్ బ్రేకింగ్ : తెలంగాణలో దీపావళి సెలవు మార్పు..

దిశ, వెబ్‌డెస్క్: తెలంగాణలో దీపావళి సెలవును మారుస్తూ ప్రభుత్వం కీలక నిర్ణయం తీసుకుంది. ఈ మేరకు శుక్రవారం కీలక ప్రకటన చేసింది. సోమవారం దీపావళి సెలవును ప్రకటించింది. గతంలో ఇచ్చిన ప్రకటన ప్రకారం నవంబర్ 12న దీపావళి సెలవుగా ప్రకటించిన ప్రభుత్వం తాజా ఉత్తర్వుల్లో సెలవు తేదీని 13కు మారుస్తూ ఉత్తర్వులు జారీ చేసింది. మార్చిన సెలవు దినాన్ని ప్రభుత్వ ఉద్యోగులు, సంస్థలు, ప్రైవేటు సంస్థలు అమలు చేయాల్సి ఉంటుందని ఉత్తర్వుల్లో పేర్కొంది. ఇక తేదీ మార్పుతో ప్రభుత్వ, ప్రైవేటు స్కూళ్లు, కాలేజీలకు రెండో శనివారం(నవంబర్ 11), ఆదివారం నవంబర్ (12), సోమవారం (నవంబర్13) మూడు రోజులు సెలవులు రానున్నాయి. ఇక, దీపావళి ఈ ఏడాది ఆదివారం రాగా ఇప్పటికే ఏపీలో సైతం దీపావళి సెలవును సోమవారంనకు మార్చిన విషయం తెలిసిందే.