BIG BREAKING: సిద్దిపేట జిల్లాలో తీవ్ర విషాదం.. రోడ్డు ప్రమాదంలో ‘మిస్టర్ తెలంగాణ’ దుర్మరణం

దిశ, వెబ్‌డెస్క్: సిద్ధిపేట జిల్లాలో తీవ్ర విషాదం చోటుచేసుకుంది. పట్టణానికి చెందిన ప్రముఖ బాడీ బిల్డర్, ‘మిస్టర్ తెలంగాణ’ మహ్మద్ సోహైల్ (23) రోడ్డు ప్రమాదంలో దుర్మరణం పాలయ్యాడు. బైక్‌ను అతివేగంగా నడుపుతూ.. అదుపుతప్పి ఎదురుగా వస్తున్న స్క్రాప్ ఆటోను ఢీకొట్టాడు. ఈ ప్రమాదంలో సోహైల్ తీవ్రంగా గాయపడిగా స్థానికులు అతడిని ఆసుపత్రికి తరలించారు. అయితే, అక్కడ వైద్యులు చికిత్స అందిస్తుండగానే అతడు ప్రాణాలు కోల్పోయాడు. కాగా, సోహైల్ తన కెరీర్‌లో జిల్లా, రాష్ట్ర, సౌతిండియా బాడీ బిల్డింగ్ ఛాంపియన్‌షిప్‌లను సొంతం చేసుకున్నాడు. ‘మిస్టర్ తెలంగాణ’ ఛాంపియన్‌షిప్‌లో విజేతగా నిలిచిన మహ్మద్ సోహైల్ అతిచిన్న వయసులోనే మరణించడంతో అందరినీ కన్నీటీపర్యంతం చేస్తోంది.