కరీంనగర్ నుంచే పోటీ చేయడంపై బండి సంజయ్ కీలక వ్యాఖ్యలు

దిశ, వెబ్‌డెస్క్: బీజేపీ ఎంపీలందరూ రానున్న తెలంగాణ ఎన్నికల్లో ఎమ్మెల్యే అభ్యర్ధిగా పోటీలోకి దిగనున్నారు. కిషన్ రెడ్డితో పాటు బండి సంజయ్, ధర్మపురి అర్వింద్, సోయం బాపూరావు అసెంబ్లీ బరిలోకి దిగనున్నారు. ఈ క్రమంలో తాను ఎక్కడి నుంచి పోటీ చేస్తాననే విషయంపై కరీంనగర్ ఎంపీ బండి సంజయ్ క్లారిటీ ఇచ్చారు. కరీంనగర్ అసెంబ్లీ స్థానం నుంచే తాను పోటీ చేస్తానని, అధిష్టానంకు కూడా ఇదే విషయం చెప్పానని అన్నారు.

కరీంనగర్ నుంచి పోటీ చేయాలని ఉందని అధిష్టానానికి చెప్పానని, పార్టీ ఆదేశిస్తే పోటీ చేస్తానని బండి సంజయ్ స్పష్టం చేశారు. బీఆర్ఎస్‌కు వ్యతిరేకంగా ఓటు వేసేందుకు ప్రజలు సిద్దంగా ఉన్నారని, బీఆర్ఎస్ కబ్జాలు, అవినీతి చూసి విసిగిపోయారని తెలిపారు. బీజేపీ గ్రాఫ్ తగ్గినట్లు కొంతమంది తప్పుడు ప్రచారం చేస్తున్నారని, బీజేపీకి అనుకూలంగా వాతావరణం ఉందని స్పష్టం చేశారు.