Bhatti Vikramarka : కాంగ్రెస్ ప్రజా విజయోత్సవాలకు ఏర్పాట్లు : భట్టి
దిశ, వెబ్ డెస్క్ : కాంగ్రెస్ ప్రభుత్వం(Congress Govt) ఏర్పాటయ్యి ఏడాది కాలం కావస్తుండటంతో.. ఈ ఏడాది పాలనలో సాధించిన విజయాలపై పలు కార్యక్రమాలు చేపట్టేందుకు ప్రభుత్వం సిద్ధం అవుతోంది. నవంబర్ 14 నుంచి కాంగ్రెస్ ప్రజా విజయోత్సవాల పేరిట ప్రజల్లోకి వెళ్లేందుకు చురుగ్గా ఏర్పాట్లు చేస్తున్నారు. ఈ ఉత్సవాల నిర్వహణపై డిప్యూటీ సిఎం భట్టి విక్రమార్క(Bhatti Vikramarka) అధ్యక్షతన కేబినెట్ సబ్ కమిటీ ఏర్పాటయ్యింది. శనివారం భట్టి విక్రమార్క మీడియాతో మాట్లాడుతూ.. తెలంగాణలో కాంగ్రెస్ ప్రభుత్వం ఏర్పాటయ్యి ఏడాది పూర్తవుతున్న సందర్భంగా.. రాష్ట్రం అంతటా కాంగ్రెస్ ప్రజా విజయోత్సవాలు జరపడానికి ఏర్పాట్లు ముమ్మరం చేస్తున్నామని పేర్కొన్నారు. నవంబర్ 14 నుంచి డిసెంబర్ 9 వరకు కాంగ్రెస్ ప్రజా విజయోత్సవాల పేరుతో జరిపే ఈ ఉత్సవాల్లో.. ఒక్క ఏడాదిలోనే ప్రభుత్వం సాధించిన అభివృద్ధి, పలు సంక్షేమ పథకాలను ప్రజల్లోకి తీసుకు వెళ్లేందుకు సిద్ధమవుతున్నట్టు భట్టి తెలియ జేశారు.
