ఎన్నికల వేళ మరో కొత్త పాట రిలీజ్.. గులాబీలా జెండలే రామక్కకు మించిన సాంగ్!
దిశ, డైనమిక్ బ్యూరో: తెలంగాణ అసెంబ్లీ ఎన్నికల సమయంలో ‘గులాబీల జెండాలే రామక్క’ బీఆర్ఎస్ పార్టీ పాట అదరగొట్టిన విషయం తెలిసిందే. ఆ పాటకు సెలబ్రిటీల దగ్గర నుంచి సామాన్య జనం వరకు అందరూ స్టెప్పులు వేశారు. ఈ క్రమంలోనే జరగబోయే లోక్‌సభ ఎన్నికల వేళ బీఆర్ఎస్ పార్టీ మరో కొత్త పాటను రిలీజ్ చేసింది. బీఆర్ఎస్ అధినేత కేసీఆర్‌పై రూపొందించిన ఈ పాటను తాజాగా తెలంగాణ భవన్‌లో బీఆర్ఎస్ వర్కింగ్ ప్రెసిడెంట్ కేటీఆర్ ఆవిష్కరించారు. మాజీ ఎమ్మెల్యే బాల్కసుమన్ ఆధ్వర్యంలో పాటను రూపొందించారు.
ఈ పాటకు సంబంధించిన వీడియోలు బీఆర్ఎస్ శ్రేణులు సోషల్ మీడియా వేదికగా పోస్ట్ చేశాయి. ‘పోరాటమన్నది కొత్తకాదే ఓ తల్లి లచ్చుమమ్మ.. బాపు ఆరాట పడకుంటె రాష్ట్రమేదే నా తల్లి లచ్చుమమ్మ! గులాబీ జెండా ఎత్తుకుంటా ఓ తల్లి లచ్చుమమ్మ.. వెనుకడుగు వేయక ముందరుంటా నా తల్లీ లచ్చుమమ్మ!’ అనే చరణాలతో పాట మొదలవుతుంది. ఈ పాటలో కేసీఆర్ ఉద్యమ సమయంలో పోరాటం చేసిన దృశ్యాలు గుర్తుచేశారు. మరోవైపు నేడు జరుగుతున్న రైతుల ఆత్మహత్యలు, నీళ్ల సమస్య, ఎండిన పంట పొలాలు, కేసీఆర్ స్పీచ్‌లు ఈ పాటలో వీడియో రూపంలో పెట్టారు.
