అర్హులందరికీ ప్రభుత్వ పథకాలు అందాలి: మంత్రి పొన్నం ప్రభాకర్

దిశ, తెలంగాణ బ్యూరో: అర్హులందరికీ పథకాలు అందేలా క్రియాశీలకంగా పనిచేయాలని మంత్రి పొన్నం ప్రభాకర్ హైదరాబాద్ పరిధిలోని నేతలకు సూచించారు. మంగళవారం ఆయన గాంధీభవన్‌లో ప్రత్యేకంగా రివ్యూ నిర్వహించారు. హైదరాబాద్​నగర కాంగ్రెస్​నాయకులు, కార్యకర్తలు ఈ భేటీలో పాల్గొన్నారు. ఈ సందర్భంగా మంత్రి మాట్లాడుతూ.. ఈ నెల 28వ తేదీన కాంగ్రెస్ పార్టీ ఆవిర్భావ దినోత్సవం ఘనంగా జరపాలని, కాంగ్రెస్ క్యాడర్ పెద్దఎత్తున పాల్గొనాలని అన్నారు. ప్రభుత్వం 28వ తేదీన వచ్చేనెల 6వ తేదీ వరకు ప్రజాపాలన కార్యక్రమాలు జరుగుతాయని ఈ కార్యక్రమాలలో కాంగ్రెస్ నాయకులు, కార్యకర్తలు పాల్గొని ప్రజలకు సేవలందించాలని ఆయన పిలుపునిచ్చారు. ప్రభుత్వ పథకాలు ప్రజలకు చేరే విషయంలో కాంగ్రెస్ నాయకులు దగ్గరుండి పని చేయాలని సూచించారు. ఈ సమావేశంలో మాజీ ఎంపీ లు వి.హనుమంతరావు, అంజన్ కుమార్ యాదవ్, పోటీ చేసిన అభ్యర్థులు, నగరంలోని వివిధ అనుబంధ సంఘాల ఛైర్మన్ లు పాల్గొన్నారు.