ఉధృతంగా ప్రవహిస్తున్న కుంటాల జలపాతం

దిశ, నేరడిగొండ: పచ్చటి అడవిలో సహజ సిద్ధంగా ఏర్పడి పర్యాటకులకు ఆహ్లాదాన్ని పంచే తెలంగాణ నయాగార గా పిలిచే రాష్ట్రంలోనే ఎతైనా ఆదిలాబాద్ జిల్లా నేరడిగొండ మండలంలోని కుంటాల జలపాతం,అలాగే కొరటికల్ జలపాతం రెండు రోజులుగా కురుస్తున్న భారీ వర్షాలకు పరవళ్లు తొక్కుతున్నాయి. కుంటాల,కొరటికల్ జలపాతానికి భారీగా వరద నీరు చేరుకోవడంతో జలపాతలు జలకళను సంతరించుకున్నాయి. జోరు వానలకు జలపాతలు ఉప్పొంగి ప్రవహిస్తూ పర్యాటక ప్రేమికులను అమితంగా ఆకట్టుకుం ట్టునాయి.దీంతో నీటి పరవళ్లతో జలపాతలు కళకళలాడుతున్నాయి. హోరుమని పెద్ద శబ్దాలతో జాలువారుతున్న నీరు చూపరులను ఎంతగానో ఆకట్టుకుంటోంది.జాలువారుతున్న జలపాతాలను చూసేందుకు రాష్ట్ర నలుమూలతో పాటు పక్క రాష్ట్రాల నుంచి పర్యాటకుల తాకిడి పెరిగింది.