దరఖాస్తులకు ఆహ్వానం

దిశ, ఆదిలాబాద్: హైదరాబాద్‌లో బ్యాంకింగ్ అండ్ ఫైనాన్స్ పైన ఉచిత శిక్షణ ఉద్యోగ కల్పనకు దరఖాస్తులు ఆహ్వానిస్తున్నట్లు బీసీ జిల్లా అభివృద్ధి అధికారి కే. రాజలింగు, బీసీ స్టడీ సర్కిల్ డైరెక్టర్ ప్రవీణ్ కుమార్ ఒక ప్రకటనలో పేర్కొన్నారు. ఉమ్మడి అదిలాబాద్ జిల్లాలోని డిగ్రీ పాసైన అభ్యర్థులకు హైదరాబాద్ స్కూల్ ఆఫ్ బ్యాంకింగ్ అండ్ ఫైనాన్స్ ట్రైనింగ్ ఇన్స్టిట్యూట్ ద్వారా హైదరాబాద్‌లో బ్యాంకింగ్ అండ్ ఫైనాన్స్‌లో రెండు నెలల నాన్ రెసిడెన్షియల్ ఫ్రీ ట్రైనింగ్ ఇవ్వనున్నట్లు బీసీ అభివృద్ధి జిల్లా అధికారి కె. రాజలింగం, బీసీ స్టడీ సర్కిల్ డైరెక్టర్ ఆదిలాబాద్ ప్రవీణ్ కుమార్ లు ఒక ప్రకటనలో తెలిపారు. ట్రైనింగ్ ప్రోగ్రాం పూర్తయిన అనంతరం ప్రైవేట్ బ్యాంకుల్లో ప్లేస్ మెంట్ ఉంటుందని అన్నారు. గ్రాడ్యుయేట్ పూర్తి చేసి 26 సంవత్సరాల కంటే తక్కువ వయస్సు ఉన్న అభ్యర్థులు ఈ నెల 15 నుంచి 25 వరకు ఆన్లైన్ రిజిస్ట్రేషన్ ద్వారా దరఖాస్తు చేసుకోవచ్చని తెలియజేశారు. ఈ శిక్షణ కార్యక్రమానికి బీసీ అభ్యర్థులు అర్హులని తెలిపారు. ఆన్లైన్ స్క్రీనింగ్ టెస్ట్‌ను ఈ నెల 31న ఉమ్మడి జిల్లా కేంద్రాల్లో నిర్వహిస్తామని వెల్లడించారు.15 నుంచి 25 వరకు ఆన్లైన్ ద్వారా దరఖాస్తు చేసుకోవచ్చన్నారు. అభ్యర్థి తల్లిదండ్రుల వార్షికాదాయం రూ. 5.00 లక్షల లోపు ఉండాలని... ఆన్లైన్ స్క్రీనింగ్ టెస్ట్‌లో వచ్చిన మార్కుల ఆధారంగా (30) మంది అభ్యర్థులను ఎంపిక చేసి ఉచిత శిక్షణ ఇవ్వబడుతుందని తెలిపారు. మరింత సమాచారం కోసం 08732-221280ని సంప్రదించాలని కోరారు.