ప్రతి పల్లెకు రహదారి సౌకర్యం కల్పిస్తా

దిశ, తలమడుగు : మండలంలోని ప్రతి పల్లెకు మెరుగైన రోడ్డు సౌకర్యం కల్పిస్తామని ఎమ్మెల్యే అనిల్ జాదవ్ అన్నారు. మండలంలోని పల్లి బి, పల్లీకే, అర్లి గ్రామాలలో బీటీ రోడ్డు పనులకు ఆయన భూమి పూజ చేసి మాట్లాడారు. తనను ఎన్నుకున్న ప్రజల కోసం తాను ఎల్లప్పుడూ ముందుంటానని, వారికి కావాల్సిన పనులు చేయడం తన బాధ్యత అన్నారు.

కొన్ని దశబ్దాలుగా సరైన రోడ్డు, బ్రిడ్జి లేక చాలా ఇబ్బందులు పడ్డామని, తమ ఊరి ప్రజల చిరకాల స్వప్నం నెరవేర్చేందుకు శ్రీకారం చుట్టిన ఎమ్మెల్యే కు అర్లి గ్రామస్తులు ప్రత్యేకంగా ధన్యవాదాలు తెలిపారు. ఈ కార్యక్రమంలో మండల కన్వీనర్ వెంకటేష్, నాయకులు కేదారిశ్వర్ రెడ్డి, అభిరామ్ రెడ్డి, తిరుమల గౌడ్, అబ్దుల్లా, మహిళా నాయకులు, గ్రామస్తులు పాల్గొన్నారు.