రేవంత్ రెడ్డి దిష్టిబొమ్మ దహనం

దిశ, కాసిపేట: బీజేపీ ఆధ్వర్యంలో సోమవారం మండల కేంద్రంలో టీపీసీసీ అధ్యక్షుడు రేవంత్ రెడ్డి దిష్టిబొమ్మను దహనం చేశారు. బీజేపీ మండల ఇన్ చార్జి అటుకపురం రమేష్ మాట్లాడుతూ రేవంత్ రెడ్డి ఈటెల రాజేందర్ ను విమర్శించడం తగదన్నారు. ఓటుకు నోటు కేసులో అడ్డంగా దొరికిన రేవంత్ ప్రజా నాయకుడైన ఈటెల రాజేందర్ పై అనుచిత వాఖ్యలు చేయడం సిగ్గుచేటన్నారు. రేవంత్ రెడ్డి మరోమారు నోరు జారితే తీవ్ర పరిణామాలు ఉంటాయని హెచ్చరించారు. ఈ కార్యక్రమంలో బీజేపీ మండల ఉపాధ్యక్షుడు బాకీ నరేష్, బీసీ మోర్చా మండలాధ్యక్షుడు పెద్దపల్లి శంకర్, ఎస్సీ మోర్చా అధ్యక్షుడు దుర్గం దుర్గయ్య, బాలరాజు, కిష్టయ్య, గోలేటి సుమన్, తదితరులు పాల్గొన్నారు.