యాపిల్ హెచ్చరిక.. ఆ దేశాల్లోని ఐఫోన్ వినియోగదారులకు పొంచిఉన్న ప్రమాదం
దిశ, ఫీచర్స్ : మీరు ఐఫోన్ వాడుతున్నారా.. అయితే ఈ ఇన్ఫర్మేషన్ మీకోసమే. నిజానికి భారతదేశంతో సహా మరో 92 దేశాల యాపిల్ ఐఫోన్ వినియోగదారులకు హెచ్చరికలు జారీ చేసింది. ఐఫోన్ వినియోగదారులను పెగాసస్ వంటి స్పైవేర్ దాడుల ద్వారా లక్ష్యంగా చేసుకోవచ్చని ఏప్రిల్ 10వ తేదీన రిలీజ్ చేసిన ఈ నోటిఫికేషన్‌లో పేర్కొంది. మీరు కూడా ఐఫోన్ వినియోగదారు అయితే జాగ్రత్తగా ఉండాలి.
స్పైవేర్ అనుమతి లేకుండా ఇన్‌స్టాల్..
నేటి కాలంలో పెగాసస్ వంటి స్పైవేర్‌ల ద్వారా వినియోగదారులను లక్ష్యంగా చేసుకుంటున్నారు. ఈ స్పైవేర్ అనుమతి లేకుండా మీ పరికరంలో ఇన్‌స్టాల్ అవుతుంది, దాని గురించి ఆ వినియోగదారులను కూడా తెలియదు. పెగాసస్ వంటి ఇతర స్పైవేర్ ద్వారా ఐఫోన్ వినియోగదారులను లక్ష్యంగా చేసుకోవచ్చని ఆపిల్ తన హెచ్చరికలో తెలిపింది. తద్వారా సైబర్ నేరగాళ్లు మీ ఐఫోన్‌ను యాక్సెస్ చేయగలరు.
మీరు దాడికి గురైనట్లయితే ఏమి జరుగుతుంది ?
మీ ఐఫోన్‌ని లక్ష్యంగా చేసుకున్నట్లయితే మీ ఐఫోన్‌కి అనధికారిక యాక్సెస్ ఇతరులకు చేరుతుంది. తక్కువ సంఖ్యలో నిర్దిష్ట వ్యక్తులను, వారి పరికరాలను లక్ష్యంగా చేసుకోవడానికి మెర్సెనరీ స్పైవేర్ ఉపయోగిస్తారు. ఈ స్పైవేర్ ఇజ్రాయెల్ NSO గ్రూప్ పెగాసస్ లాంటిది. ఈ స్పైవేర్ దాడులకు మిలియన్ డాలర్లు ఖర్చవుతాయి. వాటిని గుర్తించడం, ఆపడం చాలా కష్టం.
Apple ఐఫోన్ వినియోగదారులకు పంపిన ఇమెయిల్‌లో ఇలా ఉంది. 'మీరు 'మెర్సెనరీ స్పైవేర్' దాడికి గురైనట్లు Apple కనుగొంది. ఇది మీ Apple ID -xxx-తో అనుబంధించిన iPhoneని రిమోట్‌గా హ్యాక్ చేయడానికి మిమ్మల్ని అనుమతిస్తుంది. దయచేసి దీన్ని సీరియస్‌గా తీసుకోండి. యాపిల్ నుంచి బెదిరింపు నోటిఫికేషన్ కూడా జారీ చేసిందని, ఇది పరిస్థితి తీవ్రతను తెలియజేస్తోందని నివేదికలో చెప్పారు.
