ఫోన్ లో మీ సన్నిహితులు మిమ్మల్ని డబ్బులు అడిగారా.. ఇచ్చే ముందు కన్ఫాం చేసుకోండి..

దిశ, ఫీచర్స్ : ఎప్పుడైనా అకస్మాత్తుగా మీ కుంటుంబ సభ్యులు లేదా మీకు బాగా తెలిసిన వారు మీకు ఫోన్ చేసి ఏదైనా చెడు వార్త చెప్పి డబ్బు అడిగితే అస్సలు భయపడకండి. ముందుగా మీరు ఆలోచించండి. మీకు కాల్ చేసిన వారికి తిరిగి కాల్ చేసి తరువాతే ముందడుగు వేయండి. పెరుగుతున్న టెక్నాలజీతో సైబర్ నేరగాళ్లు ఎప్పటికప్పుడు కొత్త మార్గాలను ఎంచుకుంటున్నారు. ఇప్పుడు స్కామర్ లు కుటుంబ సభ్యుల వాయిస్ ని ఉపయోగించి డబ్బులు దండుకునే ప్రయత్నాలు ప్రారంభిస్తున్నారు. నిజానికి, ఈ రోజుల్లో, AI (ఆర్టిఫిషియల్ ఇంటెలిజెన్స్) టెక్నాలజీ కారణంగా స్కామర్లు మరింత తెలివిగా మారారు. స్కామర్లు ఎంచుకునే మార్గాల్లో ఒకటి వాయిస్ క్లోనింగ్ ఒకటి. AI వాయిస్ క్లోనింగ్ అనేది ఒక కొత్త సాంకేతికత. దీని సహాయంతో ఒక వ్యక్తి వాయిస్‌ని ఖచ్చితంగా కాపీ చేయవచ్చు.

AI వాయిస్ క్లోనింగ్ ఎందుకు ప్రమాదకరం ?

AI వాయిస్ క్లోనింగ్ ప్రజలను మోసం చేయడానికి ఉపయోగపడుతుంది. ఉదాహరణకు, మీ తల్లిదండ్రులు లేదా బంధువుల లాగా వాయిస్ మార్చి మిమ్మల్ని డబ్బు అడగవచ్చు. లేదా మీ ముఖ్యమైన పత్రాల వివరాలను తెలుసుకోవచ్చు.

AI వాయిస్ క్లోనింగ్‌ని బ్లాక్‌మెయిల్ చేయడం, ఒకరిని బెదిరించడం వంటి ఇతర సైబర్ నేరాలకు కూడా ఉపయోగించవచ్చు.

AI వాయిస్ క్లోనింగ్‌ను ఎలా గుర్తించాలి

AI వాయిస్ క్లోనింగ్‌ను గుర్తించడం కష్టంగా ఉంటుంది. అయితే మిమ్మల్ని అప్రమత్తం చేయడానికి కొన్ని మార్గాలు ఉన్నాయి.

స్వరంలో ఏదో వింతగా అనిపిస్తుంది. AI వాయిస్ క్లోనింగ్ లో పదాలు తప్పుగా ఉచ్ఛరించడం లేదా రోబోటిక్ స్టైల్‌ని కలిగి ఉంటుంది.

వాయిస్‌ని అనుకరిస్తున్న వ్యక్తి నుండి మీకు కాల్ వచ్చి, ఆ వ్యక్తికి సాధారణం కాని పనిని చేయమని వారు అడుగుతారు. అలా అడిగితే అది AI వాయిస్ క్లోనింగ్ కావచ్చు.

AI వాయిస్ క్లోనింగ్‌ను ఎలా నివారించవచ్చు..

మీ వాయిస్ రికార్డింగ్‌ల వంటి వ్యక్తిగత సమాచారాన్ని ఆన్‌లైన్‌లో సెండ్ చేయడం మానుకోండి.

మీ అన్ని ఆన్‌లైన్ ఖాతాల కోసం స్ట్రాంగ్ పాస్‌వర్డ్‌లను ఉపయోగించండి.

మీరు అతనిని పూర్తిగా విశ్వసిస్తే తప్ప మీ వ్యక్తిగత సమాచారాన్ని ఎవరికీ ఇవ్వకండి.

మీ ఫోన్‌లో ట్రూ కాలర్ యాప్‌ను ఇన్‌స్టాల్ చేయండి. మీకు తెలియని నంబర్‌లను గుర్తించడంలో మీకు సహాయపడుతుంది.

AI వాయిస్ క్లోనింగ్ గురించి మీ కుటుంబ సభ్యులు, స్నేహితులకు అవగాహన కల్పించండి.

మీరు AI వాయిస్ క్లోనింగ్‌కు గురైనట్లు భావిస్తే, వెంటనే పోలీసులకు తెలియజేయండి.