ఎంఐఎం నేత ఇంట్లో దాడులు

దిశ ప్రతినిధి, నిజామాబాద్: నిజామాబాద్ నగరంలోని భర్కత్ పుర కాలనీలోని ఎంఐఎం నేత ఇంటిపై టాస్క్‎ఫోర్స్ పోలీసులు దాడి నిర్వహించారు. సీపీ కార్తీకేయ అదేశాల మేరకు సీఐ షాకీర్ ఆలీ, తన సిబ్బందితో కలిసి ఎంఐఎం నేత, వక్ఫ్ బోర్డు వైస్ చైర్మన్ ఎన్ఆర్ఐ జావిద్ ఇంట్లో బుధవారం తెల్లవారుజామున తనిఖీలు చేపట్టారు. ఈ తనిఖీల్లో సుమారు రూ.12 లక్షలు విలువ చేసే గుట్కాను స్వాధీనం చేసుకున్నారు. ఈ మేరకు జావిద్‎పై కేసు నమోదు చేసినట్లు పోలీసుల వెల్లడించారు.

ఇటీవల నిజామాబాద్‎లో గుట్కా విక్రయాల వ్యవహరంలో జావిద్ పేరు తెర మీదకు వచ్చినా.. స్థానిక పోలీసులు ఎలాంటి చర్యలు తీసుకోకపోవడంపై విమర్శలు వచ్చాయి. నగరంలో నిషేధిత గుట్కా, తంబాకు తయారీ విక్రయాల్లో అధికార టీఆర్ఎస్, ఎంఐఎం నేతల హస్తం ఉందని మరోసారి బహిర్గతం అయ్యింది.