ఆహా.. తమన్నా వెబ్ షో

దిశ, వెబ్ డెస్క్: తెలుగు డిజిటల్ ప్లాట్‌ఫామ్ ‘ఆహా’.. ప్రేక్షకుల అభిరుచికి తగినట్లుగా ప్రోగ్రామ్స్ ప్లాన్ చేస్తోంది. సాదా సీదాగా కాకుండా.. ఏకంగా స్టార్ సెలెబ్రిటీలతోనే కార్యక్రమాలు డిజైన్ చేస్తోంది. తాజాగా ‘సామ్ జామ్’ అంటూ సమంతతో టాక్ షో గురించి అఫిషియల్ అనౌన్స్‌మెంట్ ఇచ్చి ఆహా అనిపించిన ఆహా.. ఇప్పుడు తమన్నా భాటియాతో వెబ్ సిరీస్ ప్రకటించింది. తెలుగులో తమన్నా చేస్తున్న ఫస్ట్ వెబ్ షో ఇదే కాగా.. ప్రవీణ్ సత్తారు డైరెక్టర్. లెవన్త్ అవర్ టైటిల్‌తో వచ్చేస్తున్న షోకు ప్రదీప్ ఉప్పలపాటి నిర్మాత కాగా.. ఈ ప్రాజెక్ట్ అనౌన్స్‌మెంట్‌తో థ్రిల్ అవుతున్నట్లు తెలిపింది తమన్నా. దీంతో పాటు స్టైలిష్ స్టార్ అల్లు అర్జున్‌తో గ్రాండ్ ఈవెంట్ ప్లాన్ చేసింది ఆహా. నవంబర్ 13 సాయంత్రం ఐదు గంటలకు ఇందుకు సంబంధించిన విషయాల గురించి రివీల్ చేయనుంది.

మరో వైపు తమన్నా ఈ మధ్యే తమిళ్‌లోనూ వెబ్ సిరీస్ ప్రకటించింది. నవంబర్ స్టోరీ పేరుతో వస్తున్న ఈ సిరీస్.. డిస్నీ ప్లస్ హాట్ స్టార్‌లో ప్రసారం కానుంది.