నువ్వు నాకంటే మూడేళ్లే పెద్దోడివా? రోహిత్, అమిత్ మధ్య సరదా సంభాషణ
దిశ, స్పోర్ట్స్: ముంబై స్టార్ బ్యాటర్ రోహిత్ శర్మకు లక్నో బౌలర్ అమిత్ మిశ్రాకు మధ్య సరదా సంభాషణ సాగింది. లక్నోతో మ్యాచ్ తర్వాత ఫన్నీ ఇన్సిడెంట్ జరిగింది. రోహిత్ ముంబై జట్టుకు ఆడుతుండగా.. భారత మాజీ క్రికెటర్ అమిత్ మిశ్రా లక్నోకు ఆడుతున్నాడు. మ్యాచ్ తర్వాత అమిత్, రోహిత్ మధ్య జరిగిన చాట్ ను సోషల్ మీడియాలో పోస్టు చేసింది లక్నో. ఇందులో అమిత్ మిశ్రా ఏజ్ గురించి రోహిత్ శర్మ స్పందించడతం చూడొచ్చు.
అమిత్ మిశ్రాను నీ ఏజ్ 40 ఏళ్లేనా.. నేను నమ్మలేనని రోహిత్ ఆట పట్టించాడు. నువ్వు నాకంటే మూడేళ్లేనా పెద్ద అని చమత్కరించాడు. తనకు ఇప్పుడు 41 ఏళ్లే అని అమిత్ మిశ్రా స్పష్టం చేశాడు. అమిత్ భారత జట్టుకు అరంగేట్రం చేసేటప్పుడు తాను ఇంకా న్యాపీలు వేసుకుని ఉండుంటామని జోక్ చేశాడు హిట్ మ్యాన్. అందులో తన తప్పేం లేదని కౌంటర్ ఇచ్చాడు అమిత్ మిశ్రా. ఇరవైల్లో ఉన్నప్పుడు అమిత్ డెబ్యూ జరిగిందా అని రోహిత్ ఆయన్ని ప్రశ్నించాడు. దానికి అవునని లక్నో స్పిన్నర్ జవాబిచ్చాడు.
ఐపీఎల్ 17వ సీజన్‌లో ముంబై మరో ఓటమి ఎదురైంది. దీంతో ప్లేఆఫ్స్‌ అవకాశాలు క్లిష్టంగా మారాయి. ముంబైతో జరిగిన మ్యాచ్‌లో నాలుగు వికెట్ల తేడాతో లక్నో గెలుపొందింది.
That ”Arre yaar” felt personal 😂 pic.twitter.com/oZ9nsYZao7
— Lucknow Super Giants (@LucknowIPL) May 1, 2024
