జాతీయ అథ్లెటిక్స్ ప్రారంభం.. బరిలోకి అగ్రశ్రేణి అథ్లెట్లు

దిశ,స్పోర్ట్స్ : జాతీయ అంతర్ రాష్ట్ర అథ్లెటిక్స్ చాంపియన్ షిప్ పోటీలు గురువారం ఘనంగా ప్రారంభమయ్యాయి. ఈ పోటీల్లో భారత అగ్రశ్రేణి అథ్లెట్లు బరిలో నిలిచారు. వచ్చే నెల ప్రారంభం కానున్న పారిస్ ఒలింపిక్స్ కోసం చాలా మంది అథ్లెట్లు ఈ పోటీల్లో సత్తా చాటేందుకు సిద్దమయ్యారు. అయితే, పారిస్ ఒలింపిక్స్‌లో జావెలిన్ త్రో చాంపియన్ షిప్ సాధించడమే ధ్యేయంగా నీరజ్ చోప్రా ప్రస్తుత పోటీల్లో పాల్గొనడం లేదు. ప్రస్తుతం అతను ఒలింపిక్స్ కోసం కసరత్తులు చేస్తున్నట్లు సమాచారం. ఇక పారిస్ బెర్తులు సాధించేందుకు ఈ పోటీల్లో జ్యోతి యర్రాజి (మహిళల 100 మీటర్ల హర్డిల్స్), అన్ను రాణి (మహిళల జావెలిన్ త్రో), డి.పి మను (పురుషుల జావెలిన్ త్రో), తజిందర్ సింగ్ తూర్ (పురుషుల షాట్‌పుట్), జెస్విన్ ఆల్డ్రిన్ (పురుషుల లాంగ్ జంప్) ఒలింపిక్స్ బెర్తులపై గురిపెట్టారు.