SRH ఓనర్ కావ్య నిజంగా యువరాణే.. వేల కోట్లకు ఒక్కతే వారసురాలు..!
దిశ, వెబ్ డెస్క్: ఐపీఎల్ సీజన్ హాట్ హాట్‌గా నడుస్తోంది. అన్నీ జట్లు హోరాహోరీగా తలపడుతున్నాయి. దాదాపు అన్ని జట్లు 3 మ్యాచ్‌ల వరకు ఆడాయి. చివరి నిమిషం వరకు ఏ మ్యాచ్ ఫలితాన్ని డిసైడ్ చేయలేకపోతున్నారు క్రికెట్ విశ్లేషకులు. అయితే, ఐపీఎల్ అభిమానులకు SRH యజమాని కావ్య గురించి ప్రత్యేకంగా పరిచయం చేయాల్సిన అవసరం లేదు. మ్యాచ్ ఎంత రసవత్తరంగా ఉన్నా కెమెరామెన్ ఫోకస్ మాత్రం కావ్య మీదే ఉంటుంది. ముఖ్యంగా ఆమె ఇచ్చే లుక్స్ కు సపరేట్ ఫ్యాన్స్ ఉన్నారు.
ఇక కావ్య వ్యక్తిగత జీవితానికి సంబందించిన ఓ వార్త సోషల్ మీడియాలో వైరల్ గా మారింది. కావ్య తండ్రి కళానిధి మారన్ కి ఉన్న ఆస్తుల వివరాలు, వ్యక్తిగతంగా కావ్యకు ఉన్న ఆస్తుల వివరాలు సోషల్ మీడియాలో ట్రెండ్ అవుతున్నాయి. కావ్య తండ్రి కళానిధి మారన్ కు దాదాపు రూ.33 వేల కోట్ల ఆస్తులు ఉన్నాయని, సపరేట్ గా కావ్యకు రూ.400 కోట్ల పైచిలుకు ఆస్తులు ఉన్నాయని తెలుస్తోంది. ఇంత ఆస్తికి ఆమె ఒక్కతే వారసురాలు కావడం గమనార్హం. ఈ విషయం తెలిసిన ఫ్యాన్స్ నిజంగా కావ్య యువరాణే కామెంట్స్ చేస్తున్నారు.
