Delhi capitals : ఢిల్లీ క్యాపిటల్స్ బౌలింగ్ కోచ్‌గా మునాఫ్ పటేల్
దిశ, స్పోర్ట్స్ : భారత మాజీ క్రికెటర్, 2011 వన్డే వరల్డ్ కప్ గెలిచిన భారత జట్టులో ఆడిన మునాఫ్ పటేల్‌ను ఢిల్లీ క్యాపిటల్స్ తమ బౌలింగ్ కోచ్‌గా మంగళవారం నియమించింది. 2018లో అంతర్జాతీయ క్రికెట్ నుంచి రిటైర్‌మెంట్ ప్రకటించిన తర్వాత తొలి సారి మునాఫ్ పటేల్ కోచింగ్ బాధ్యతలు చేపట్టనున్నాడు. ఇటీవల జరిగిన ఇండియన్ వెటర్నర్స్ ప్రీమియర్‌లో మునాఫ్ ఆడాడు. ఈ మేరకు ఢిల్లీ క్యాపిటల్ జెర్సీ ధరించిన మునాఫ్ పటేల్ వీడియోను టీం మేనేజ్‌మెంట్ ఎక్స్ వేదికగా షేర్ చేసింది. రికీ పాంటింగ్‌తో కలిసి టీం నుంచి ఆస్ట్రేలియా మాజీ క్రికెటర్ జేమ్స్ హోప్స్ వైదొలిగాడు. ఆయన స్థానంలో మునాఫ్ బౌలింగ్ కోచ్ బాధ్యతలు నిర్వహించనున్నాడు. ఢిల్లీ క్యాపిటల్ 2025 సీజన్‌కు ఆల్ రౌండర్ హేమంగ్ బదానీని హెడ్ కోచ్‌గా, వేణుగోపాల్ రావును జట్టు డైరెక్టర్‌గా నియమించింది. తద్వారా ఇండియన్ మాజీ ఆటగాళ్లను తమ టీం సపోర్ట్ స్టాఫ్‌గా నియమించుకున్నట్లయింది.
