Harbhajan singh : దుబాయ్ స్పోర్ట్స్ అంబాసిడర్‌గా హర్భజన్ సింగ్
దిశ, స్పోర్ట్స్ : భారత క్రికెట్ లెజెండ్ హర్భజన్ సింగ్ అరుదైన గౌరవం అందుకున్నాడు. దుబాయ్ స్పోర్ట్స్ అంబాసిడర్‌గా హర్భజన్‌ను నియమించినట్లు దుబాయ్ స్పోర్ట్స్ కౌన్సిల్ గురువారం అనౌన్స్ చేసింది. దేశ క్రీడారంగం అభివృద్ధికి ఈ నియామకం ఎంతోగానే దోహదపడుతుందని కౌన్సిల్ అభిప్రాయపడింది. దుబాయ్ క్రౌన్ ప్రిన్స్, ఆ దేశ ఎగ్జిక్యూటివ్ కౌన్సిల్ చైర్మన్ షేక్ హమ్దాన్ రషీద్ అల్ మక్తూమ్ సమక్షంలో యూఎఫ్‌సీ లెజెండ్ ఖబీబ్, టెన్నిస్ స్టార్ సానియా మీర్జా, ఫుట్ బాల్ ఐకాన్ ప్యాట్రిస్ ఎవ్రా ఈ నియామక ప్రకటన చేశారు. ఈ సందర్భంగా హర్భజన్ సింగ్ స్పందిస్తూ.. ‘దుబాయ్ స్పోర్ట్స్ అంబాసిడర్‌గా తనను నియమించడం గౌరవంగా భావిస్తున్నాను. దుబాయ్‌లో క్రీడలకు బలమైన పునాది వేయడంతో పాటు ప్రతిభను వెలికి తీయడం, ప్రీమియర్ స్పోర్ట్స్ ఈవెంట్‌లను దేశానికి తీసుకువచ్చేందుకు కృషి చేస్తా..’ అన్నారు.
